Diamantina Rodríguez da nome al Centru

Los primeros cursos del centru son de cantu y de poesía 

Un cursu ye de cantu y téunica vocal pa cantantes de tonada, a cargu de la cantante Mapi Quintana. Esti cursu entamará’l 13 de marzu y tien una duración de 20 hores. L'otru cursu ufiertáu ye un taller de poesía en canción asturiana, a cargu de Xuan Bello, que tamién entama'l 13 de marzu y tien les mesmes hores de duración,  cursu dedicáu a ellaborar lletres  y estudiar les modalidaes poétiques emplegaes.

Diz don Eustaquio, alcalde hasta agora de Grandas de Salime, que’l cese de Pepe El Ferreiro nun tien motivaciones polítiques y apunta foínamente irregularidaes económiques. Sí, ye verdá, Pepe El Ferreiro taba faciendo les veces de direutor del Muséu pero cobrando como si fuere un bedel.
Tamién diz, que taba faciendo de les instalaciones del Muséu el so propiu “apartamentu”. Que yo sepa tolos direutores tienen un despachu onde trabayen, pero equí el que s’equivoca ye’l señor Eustaquio, el que fizo del Muséu el so apartamentu fui yo, d’esto fai yá venti años, porque tuve que dormir nel horru del Muséu, hasta que Pepe dispuso d’una habitación na so propia casa onde abellugame’l tiempu que fizo falta, mientres yo dibuxaba una catalogación tipolóxica de la coleición de madreñes que Canteli cedió a Pepe El Ferreiro pal Muséu de Grandas. Sí, ye irregular que’l direutor d’un muséu tenga que dar comida y agospiu a un dibuxante especializáu na etnografía porque l’Alministración nun lo fai, nun había presupuestu.