Esti xuevesel Centru Social Ocupáu Autoxestionáu La Madreña (Cai Xeneral Elorza, 32) d'Uviéu acueye un conciertu n'alcordanza de David Blanco, mozu que va unos cuatro años morrió "n'estrañes circunstancies" na comisaría de policía asitiada nel Natahoyu, nel barriu xixonés de La Calzada. Asina, col casu zarráu, y a un añu de la prescripción del mesmu, pídese la so reapertura, col esclarecimientu de los fechos que punxeron fin a la vida d'esti mozu.

Poro, el conciertu, amás de tener un envís vindicativu y d'alcordanza, sirvirá p'atropar fondos colos que siguir cola llucha de la so familia en reclamu de xusticia. Ye por ello que, toles interesaes, podrán acudir esti xueves al CSOA de magar les 19:30, con un conciertu nel que podrá esfrutase de la música de grupos como Punko UK, Anti-Higiénikos, Alvarito, Infección, y Zigua, con un preciu de 5 euros como bonu de sofitu.