Va ser los díes 21 y 22 de payares en La Puela d'Allande. Nel seminariu va haber 4 ponencies y un conceyu abiertu. El preciu de la matrícula ye de 40 € y esiste la posibilidá de xintar y d'agospiase en La Nueva Allandesa.

El sábadu 21 ábrese'l seminariu a les 10'30 hores. De magar les 11'00 entama'l tiempu dedicáu pa les ponencies, que son les que vienen darréu: "La transición asturiana: un proyeutu que nun pasó de proyeutu" (Xosé Lluis García Arias),  "Asturies, un paraísu na encruciyada" (Benxamín Méndez García); "Una visión d'Asturies dende'l republicanismu" (Luis Arias Argüelles-Meres); "Asturies, memoria ya identidá coleutiva" (Faustino Zapico Álvarez). La xornada del sábadu fina a les 23'30 hores col yá tradicional filandón, fiesta asturiana de nueche, nel Café Centro.

Pal domingu 22, de magar les 12'00 hores, entámase un conceyu abiertu, moderáu por Lisardo Lombardía, nel qu'amás de los ponentes del día enantes van participar Xuan Cándano, David Rivas y Naciu Llope.

• Pa más información sol seminariu pue contautase nel corréu lletrónicu: Esta direición elleutrónica ta curiada escontra spam bots. Precisa activase JavaScript para vela