Asturies algama 10 millones d’euros en premios na Llotería de Navidá

Template Tools

Güei ye : Xueves, 16 Febreru 2012

( 0 Votes )

SOCIEDÁ

Martes, 22 de Avientu de 2009 17:03

Cellebración sidrera del gordu de 2007 en Llanes / 20minutos.es

Un terceru y tres quintos premios de la Llotería de Navidá dexaron güei n’Asturies 9,7 millones d’euros. Delles series d’estos premios dieron un respiru a ciudadanos y ciudadanes de Corvera, Xixón, La Felguera, Avilés y A Veiga. El premiu gordu, que foi pal númberu 78.294, vendióse íntegramente en Madrid, na alministración 146 de la cai Bravo Murillo.

El 10.104, tercer premiu, revolucionó un conocíu centru comercial de Corvera. L’alministración númberu 2 repartió 9,5 millones d’euros, un total de 19 series, que cayeron principalmente ente trabayadores de la gran superficie. Esti númberu tamién se vendió en Barcelona, Sant Joan de Vilatorrada, Puig-Reig y l’aeropuertu d’El Prat (Barcelona), y Torlavega.

A Xixón llegaron 50.000 euros col númberu 43.802, vendíu n’alministración 8, na cai Menéndez Pelayo, una cantidá idéntica a la que cayó n’A Veiga col mesmu númberu. Otra serie del tercer premiu llevó l’alegría a Avilés, el 31,821, dexando 50.000 euros na capital del conceyu. Mentes, en La Felguera, vendióse una serie del númberu 49.271, lo que tamién suponen 50.000 euros.